19 Abr Aquamuseu e Estación Hidrobiolóxica “Encoro do Con” celebran o Día Mundial dos Peixes Migradores A actividade terá lugar este sábado, comezando no río Furnia (Tomiño) ás 15h15, e rematando no Aquamuseu (Vila Nova de Cerveira) ás 18h30. Os participantes terán autobuses gratuítos.
Co lema “Ligando Peixes, Rios e Pessoas”, o evento terá lugar o vindeiro sábado, 21 de abril, “Dia Mundial dos Peixes Migradores” (WFMD: World Fish Migration Day).
Con carácter transfronteirizo, o Aquamuseu do Río Miño, de Vila Nova de Cerveira e a Estación Hidrobiolóxica “Encoro do Con”, da Universidade de Santiago de Compostela, están a desenvolver en conxunto unha acción de sensibilización ampliada no terreo para dar a coñecer os peixes migradores do Baixo Miño e o efecto dos obstáculos nas súas migracións.
Varias organizacións van conmemorar este día organizando máis de 400 actividades en todo o mundo, tendo como obxectivo concienciar a sociedade das necesidades dos peixes migradores, garantindo que as redes fluviais naturais permanezan conectadas, e que sexa intermediaria para que as que están fragmentadas poidan ser restauradas.
Desta forma, o Aquamuseu do Río Miño, de Vila Nova de Cerveira e a Estación Hidrobiológica “Encoro do Con”, da Universidade de Santiago de Compostela, que desenvolven en conxunto o proxecto POCTEP Migra Miño-Miño, organizan unha actividade no río Furnia, que incidirá sobre o impacto das barreiras na migración de peixes. Vaise proceder á captura de peixes por pesca eléctrica e coñecer as actividades que están a ser realizadas no proxecto Migra Miño-Miño. No Aquamuseu será realizada unha visita aos acuarios e ao museo das pescas, que recría todo o percorrido do Miño, as súas especies e as tradicións e actividades asociadas á pesca, dando a coñecer os peixes migratorios, súa importancia e ameazas.
A actividade comezará no río Furnia (Tomiño) ás 15h15 e vai terminar no Aquamuseu (Vila Nova de Cerveira) ás 18h30. Os participantes terán un autobús gratuíto en Vila Nova de Cerveira (14h00 no Centro de Coordinación de Transporte), en Tui (14h30 na praza de Galicia) e en Tomiño (14h55, na praza do Concello) para levalos ao río Furnia e ao Aquamuseu, traéndoos de regreso tras conclusión da actividade.
O Proxecto POCTEP Migra Miño-Miño (Protección e Conservación das Poboacións de Peixes Migradores no treito internacional do río Miño e seus afluente) é cofinanciado polo Fondo Europeo de Desenvolvemento Rexional (FEDER), a través do Interreg VA España-Portugal (POCTEP) 2014-2020. Procura mellorar a protección e conservación do hábitat fluvial da sub-conca do treito internacional do río Miño, desde o encoro de Freira até á foz con accións de recualificación das canles fluviais e das especies de peixes migradores presentes no río Miño e seus afluente; tamén promove a cooperación transfronteiriza entre autoridades e institucións con responsabilidades comúns na xestión da pesca fluvial.
A construción de barreiras transversais tornouse un dos principais factores que provocaron a diminución da poboación de peixes que habitan estes ríos, pois ten un efecto directo sobre os movementos migratorios dos peixes, impedíndoos de se mover libremente para completar os seus ciclos reprodutivos, acceso a áreas de alimentos ou, simplemente, pasar para outras seccións da rede fluvial. Alén desas estruturas artificiais, interrómpese o réxime fluvial natural, fundamental para a reprodución dos peixes. O efecto desta fragmentación fluvial é sentido, especialmente, en especies que prefiren migrar para o mar ou para as seccións superiores dos ríos para completar seu ciclo de vida, o que as colocou en grave perigo de supervivencia.
http://www.worldfishmigrationday.com