25 Abr 2017 Cinco medallas para “Os Teixugos” na 2ª competición da Liga Galega de Promoción de Slálom

Esta fin de semana tivo lugar en Cordeiro, no concello de Salvaterra do Miño, a 2ª competición da Liga Galega de Promoción de Slálom, liga na que participan os deportistas máis novos dos clubs galegos e portugueses. O Club Deportivo Miño acudiu ao evento con 12 pequenos piragüistas, moitos dos cales dobraron, facendo baixada en Kayak e canoa.

Cinco foron as medallas que os Teixugos acadaron nesta xornada, algunhas menos das esperadas, pero que non quitaron nin ilusión nin ganas aos máis pequenos e pequenas do club.

A participación máis relevante do club  foi a de  Ainhoa Barreiro cunha medalla de ouro en C1, e unha de prata en K1 muller infantil.

Samuel Castro foi prata en C1 Home Infantil. Sergio Martínez acadou o bronce en K1 Home Infantil e bronce tamén para Alba Soutelo en C1 Muller Infantil.

Na clasificación final por clubs o Club Penedo de Tui declarouse gañador cun total de 216 puntos, seguido do Club Tea de Mondariz con 189, terceiro foi o Piragüismo Dumbría con  178, e xa no cuarto lugar os Teixugos con 174.

 

Texto: Rosa Fernández Carrera.

Fotos:

https://goo.gl/photos/XRphCHySfnXn7gf96

 



X