OMIX

A Rede Eurodesk Pontevedra OMIX Concello de Tomiño forma parte da Rede Europe Direct, unha das principais ferramentas para informar á cidadanía sobre a Unión Europea, sobre os seus dereitos e sobre as prioridades da Unión Europea, ao tempo que promove unha veciñanza participativa a nivel local e rexional.

A Oficina Eurodesk de Tomiño responde a consultas sobre a UE relacionadas coa xente nova, que van desde cuestións de carácter xeral a outras como as posibilidades de estudar no estranxeiro ou sobre as políticas da UE en mocidade. Ademais, ofrece información sobre as posibilidades que teñen mozos e mozas de obter financiamento europeo, á vez que leva a cabo campañas de concienciación en escolas e organizacións xuvenís.

Visitar a web

Anualmente ofertamos unha programación formativa co gallo de favorecer o emprendemento, mellorar a educación, promover a creatividade e propiciar a incorporación ao ámbito profesional. Ademais de cursos tamén organizamos concursos con temáticas diversas.

Entre as iniciativas internacionais xestionadas pola OMIX Tomiño destaca o programa Erasmus+ de acollida e movilidade de voluntariado europeo e proxectos internacionais de intercambio xuvenil. Ademais, a OMIX de Tomiño é oficina Eurodesk, un servizo de información sobre programas e iniciativas europeas.

A través de asesoramento sobre subvencións e apoio técnico fomentase a participación social da mocidade apoiando ás asociacións xuvenís existentes e asesorando na creación doutras novas. Información Xuvenil

A OMIX promove e organiza actividades de lecer infantil e xuvenil adicadas a fomentar a participación social, a aprendizaxe lúdico-educativa e a diversión.

A OMIX de Tomiño é entidade local de voluntariado, pertencente á Xunta de Galicia e ten unha programación anual de actividades de voluntariado levada a cabo por mozos e mozas que participan na súa elaboración, execución e avaliación.

PONTES DE PAPEL trae consigo unha gran diversidade cultural e lingüística, constituíndo unha experiencia formativa de grande interese para a mocidade da nosa localidade. Poderán participar persoas de entre 16 e 35 anos de idade e, para garantir unha boa experiencia, a OMIX e as entidades de destino tratarán de encaixar as persoas segundo gustos, preferenzas, idade… para que inicien un intercambio de (non só) CARTAS MANUSCRITAS. Trátase dunha iniciativa plural e transversal que se adapta ás necesidades de cada persoa. Ademais, as xente que participe neste proxecto internacional poderá relacionarse con outras mozas e mozos empregando varios idiomas mentres se forma e informa sobre realidades ou temáticas que sexan do seu interese.

Accede ao proxecto intenacional PONTES DE PAPEL no seguinte enlace: https://tomino.gal/pontes-de-papel/