24 Nov 2015 O Concello de Tomiño conmemora o Día Contra Violencia de Xénero co proxecto artístico “Mulleres en acción: violencia zero”.

O Concello de Tomiño conmemorará o vindeiro 25 de novembro “Día Contra Violencia de Xénero” cunha serie de actividades enfocadas a visibilizar este grave problema social.

Por un lado, a artista Laura Piñeiro encabezará a confección dunha obra de arte a base de panos de peto que achegarán os veciños e veciñas. A partires das 10h00 na Praza do Seixo, as conmemoracións comezarán con este proxecto que leva por títulos “Mulleres en acción: violencia zero”.

Os mozos e mozas do programa “é aprender” tamén colaborarán nas actividades cun mural no que no que cada alumnos puxo o molde da súa man e unha mensaxe.
Por outro lado, á partires das 11h00 un grupo de mulleres de Tomiño lerán os nomes e unha breve reseña das máis de 50 vítimas asasinadas este ano. Ademáis, repartirán laciños brancos en contra das violencias machistas.
E mentres, no mercado, as persoas poderán visitar a exposición MULLERES GALEGAS NA HISTORIA, ata o 6 de decembro, exposición con deseño en paneis que destaca a vida das mulleres máis representativas na historia de Galicia. Elas son: María Balteira, Inés de Castro, María Castaña, María Pita, María Soliña, Concepción Arenal, Emilia Pardo Bazán, Filomena Dato, La Bella Otero, Ernestina Otero, Maruja Mallo, Enriqueta Otero, María Antonia Dans, María Casares, Xela Arias e Julia Minguillón. E no mesmo lugar, ás 12h contacontos contra a violencia de xénero: CONTOS NO MERCADO con Celso Fernández Sanmartín nado en Lalín en 1969. É licenciado en Filosofía pola Universidade de Santiago de Compostela, escritor e autor de libros de poesía. Asistirá a este acto o deputado Juan González e a alcaldesa de Tomiño, acompañada por outros membros da corporación.



X