03 Feb 2016 O Concello de Tomiño presentou esta mañán as novidades do Programa de Maiores aos seus usuarios e usuarias.

Máis de 30 persoas se benefician das actividades de estimulación cognitiva, socioeducativas, fisioterapéuticas e informáticas do Programa de Maiores.

As actividades desenvólvense nas instalacións do Centro de Recursos para persoas con Discapacidade Vontade.

O Concello de Tomiño presentou esta mañán aos usuarios e usuarias do Programa de Maiores as novidades das que se beneficiará o programa neste ano 2016.
As novidades veñen a mellorar e ampliar as actividades que se ofertaban incorporando ademáis unha atención máis individualizada grazas a organización dos participante en dous grupos.
O Programa de Maiores beneficia a unha treinteina de usuarios e usuarias. Ás actividades que se viñan desenvolvendo de forma habitual como estimulación cognitiva, socio educativas e fisioterapeutivas, engádeselle clases de informática. As actividades de estimulación cognitiva, fisioterapéuticas e informática impartiranse en dous grupos os martes e venres e a de socioeducativas farase co grupo completo.
Os cambios no modelo de traballo do Programa de Maiores ven a mellorar a atención prestada aos usuarios e usuarias do servizo e atenden as demandas e suxerencias tanto do persoal cualificado que se encargar de impartir as actividades como dos propios participantes.
As actividades continuarán desenvolvéndose no Centro de Recursos para persoas con Discapacidade Vontade situado no Barrio da Rocha, Tomiño, e incorporan a colaboración de duas voluntarias municipais como persoal de apoio nas actividades socieducativas.
A Concelleira de Servizos Sociais, Cristina Martínez, destacou que “o principal obxectivo do Programa de maiores é promover as relación sociais e a autonomía persoal.”. Segundo Martínez “co inicio do novo ano quixemos atender as demandas dos profesionais e dos usurios e usuarias do programa. Os cambios levados acabo teñen que ver coa introducción de melloras no funcionamento das actividades e co aumento das horas do servizo pasando de 16 a 20 horas. Estes cambios virán a favorecer a calidade do servizo que vimos prestando dende o Departamento de Servizos Sociais”.



X