08 Feb Álex Sierpes, do Club Sociedade Atlética do Trega de Tomiño, campión de Galicia 2022 no XV Campionato Galego de Campo a Través A Poboa de Caramiñal, acolleu os mellores especialistas de cross federado desprazados desde todos os puntos da xeografía galega para disputar as probas Sub16 e Sub18

Con desenvoltura, o atleta Álex Sierpes, do Club Sociedade Atlética do Trega de Tomiño,  fíxose a pasada fin de semana co título de campión de Galicia 2022 na categoría sub-16 masculina, no XV Campionato de Galicia de Campo a Través.

Na mañá do domingo 6 de febreiro no circuíto da praia de Cabio en Poboa de Caramiñal, acolleu os mellores especialistas de Cros federado desprazados de todos os puntos da xeografía Galega para disputar os seus respectivos Campionatos de menores Sub16 e Sub18.

O atleta máis destacado do Club Sociedade atlética do Trega (Tomiño), foi Álex, percorrendo unha distancia de 2500m aproximadamente, entrando en meta, en primeiro lugar cun tempo de 8´35´´ e impondo o seu talento, rompendo as estatísticas da Federación Galega de Atletismo.

Desde a Concellería de Deportes que dirixe Fran Campo Lago, fan chegar os máis sinceiros parabéns ao destacado atleta e ao resto de compoñentes do club.