Si. O equipo de recollida contactará con vostede e preguntaralle que día e hora lle veñen mellor para establecer unha cita.

Se dispón de caixas e pode colocar os libros nelas, moito mellor. Se non ten, o equipo de recollida levará caixas e cinta de embalar para recollelos.

Non, a cesión de libros é irreversible. Valore ben que libros quere ceder, xa que non será posible recuperar aqueles xa doados.

Non, a doazón de libros ao Concello é voluntaria e gratuíta. Durante o proceso terá que asinar un contrato de cesión, do que se lle entregará unha copia.

Non. Un equipo técnico avaliará cada título cedido e seleccionará aqueles que sexan máis axeitados para a biblioteca. Os libros descartados destinaranse a outros usos (bibliotecas de centros escolares, cesión a asociacións, usos artísticos, etc.).

Si, pero recomendamos a cita previa para recollida a domicilio. Este servizo é gratuíto e máis cómodo, así evitará ter que cargar con caixas.

Non, recibimos calquera número de libros, sen límite mínimo nin máximo.

Si, aceptamos libros en calquera idioma.

En principio, prevese que o equipo de Rebiblar contacte con vostede nun prazo máximo dunha semana.

É suciente con que unha persoa, a modo de representante familiar, asine o contrato de cesión. É imprescindible que todas as persoas propietarias dos libros estean de acordo coa cesión. Así se entenderá no momento da sinatura do contrato e nin o Concello nin a empresa xestora do servizo serán responsables de reclamacións posteriores.

Aceptamos libros de todo tipo: novelas, ensaios, poesía, libros infantís, etc. Non obstante, pedimos que estean en no mellor estado posible (sen páxinas rotas, manchas graves…).

Si, pero o equipo técnico avaliará se son útiles para a biblioteca ou para outros proxectos. Algúns libros antigos ou enciclopedias poden non ser axeitados, pero buscarémoslles un uso alternativo.

Si, tamén se aceptan revistas, cómics ou manuais, sempre que estean no mellor estado posible. Como con calquera exemplar, o equipo técnico avaliará se son útiles para a biblioteca ou se se destinarán a outros fins.

Si, aínda que dependendo da ubicación a recollida a domicilio pode non estar dispoñible. Para consultalo contacte por favor con asistencia.comunicacion@tomino.gal.

Se quere solicitar a recollida a domicilio e ten dificultades para cubrir o formulario, pode contactar directamente co Concello para que lle axuden no proceso, onde unha persoa solicitaralle os datos necesarios para encher o fomulario no seu nome. Outra solución alternativa é entregar os exemplares directamente no Concello.

Os libros que non poidan ser incluídos na biblioteca serán destinados a outros usos, como proxectos escolares, asociacións culturais, proxectos artísticos ou reciclaxe responsable.

Si, pero recomendamos que non sexan dedicatorias persoais ou contidos sensibles. O equipo técnico decidirá se son axeitados para a súa reutilización.

Non, todas as doazóns deben estar vinculadas a unha persoa que asine o contrato de cesión para garantir a trazabilidade.

O equipo de recollida acordará día e hora co ou coa doante para garantir que no momento da recollida haberá unha persoa no domicilio acordado para levar a cabo os trámites de doazón.

Non está previsto emitir certificacións de doazón, pero recibirá unha copia do contrato de cesión como constancia.

Si, pero agradecemos que nos avise canto antes para poder reaxustar a planificación.

Si, xa que hai libros deteriorados ou en malas condicións que poden ter moito valor para o fondo bibliográfico ou outras iniciativas. Independentemente do seu estado, o único requisito indispensable é que o libro estea completo, incluídas a portada e a contraportada, e que non lle falten páxinas.

A súa doazón contribúe a ampliar o acceso á cultura dun xeito participativo e sostible, dándolle unha nova vida aos libros, reducindo residuos e fomentando unha sociedade máis sustentable.