Esta fin de semana contaremos co concerto de Raiceira, un proxecto que nace da idea de reinterpretar melodías populares extraídas da tradición oral galega.

O dúo formado por Sabela Vázquez (cello) e Carme López (voz, percusións e gaita), busca alcalzar un son particular e diferente, onde se mistura unha parte máis tradicional, enmarcada na voz e as percusións de man, con outra máis alonxada do popular, resultado das harmonías que aporta o violonchelo.