Medrando en Familia, posto en marcha pola concellería de Benestar Social do Concello de Tomiño, é un proxecto de intervención socio-comunitario que busca influír fundamentalmente no benestar dos máis cativos e cativas e dar resposta a ese intervalo de poboación que conforma a primeira infancia e a rede familiar.
A través de encontros e obradoiros, este programa promove a estimulación nun sentido amplo, a adaptación da intervención ás necesidades da familia e en relación aos menores, propiciando aprendizaxes e cambios significativos na súa contorna.