31 Ago Tomiño acolle por sétimo ano o festival internacional Minho Reggae Splash
O Espazo Fortaleza de Goián, á beira do río Miño será o emprazamento do evento musical que tamén contará con varias actividades paralelas
Con máis comodidades, máis espazo e rodeados de natureza, regresa o vindeiro fin de semana o festival Minho Reggae Splash, que por sétimo ano será o encargado de pechar a tempada festivaleira.
Dous días cheos de talleres, conferencias, actividades deportivas e artísticas, espectáculos, feira de artesanía e, por suposto, moito reggae. Bandas internacionais e nacionais que converterán unha vez máis o Baixo Miño en referente do reggae nacional.
O festival Minho Reggae Splash celebra a súa sétima edición no concello de Tomiño, na parroquia de Goián, como vén facendo desde fai catro anos. Nesta edición cunha nova localización para o recinto de concertos que estará situado a poucos metros do Espazo Fortaleza, á beira do río, con praia fluvial, zona de descanso, aparcadoiro e todas as facilidades necesarias para pasar un fin de semana gozando da música e das actividades que nos propón a asociación viguesa, que leva traballando na promoción e difusión da música xamaicana desde fai sete anos.
Poderase gozar dos concertos, de todas as actividades e da zona de acampada por 25 euros. Este é o prezo do abono reducido de dous días que dá dereito a participar en todas as actividades e acceso ao recinto de concertos.
Aqueles que queiran ir só un dos dous días, poderán facelo por 15 euros. A entrada tamén poderá adquirirse no propio recinto do festival por 29 euros os dous días.
Actividades para todos os públicos e todas as idades. Unha das características principais do Minho Reggae Splash é a diversidade de público que atrae. Desde os máis pequenos da casa até os máis maiores, aqueles que son uns apaixonados da música como os que queren pasar un fin de semana diferente. Isto conséguese grazas á variedade e calidade das actividades que se programan, todas elas dirixidas por persoal especializado no sector e con temáticas innovadoras que non contan cunha difusión maioritaria.
Os CONCERTOS MERGÚLLANSE NA NATUREZA
Rodeado de árbores, na beira do río, con Vila Nova de Cerveira en fronte, nun espazo máis accesible e cómodo, así é como se presenta este ano o novo recinto de concertos, que se traslada a poucos metros da que fora a súa localización habitual, o Espazo Fortaleza.
Coa finalidade de facilitarlle ao público o acceso ao festival e a participación nas actividades programadas ao longo do fin de semana, o recinto, este ano sitúase a poucos metros da zona de acampada e no seu interior celebrarase a feira de artesanía e disporase de postos de comida.
Tamén se achegan as actividades da programación paralela ao público, e para iso habilitarase un set próximo á zona de descanso.
CONCERTOS
VENRES
23.00 High Paw
00.30 Ganjahr Family
02.00 Transilvanians
03.15 Dub Corner: Real Rockers e Junior Dread
SÁBADO
22.15 Bush Doctors
23.45 Angatu
01.15 Vivian Jones
02.45 The Tuff Lions
04.00 Dub Corner: Webcam Hi-Fi Zion Irie
PROGRAMACIÓN PARALELA
TALLERES
12.00 a 13.00 Ruta: ?Biodiversidade non Esteiro do Miño?
13.00 a 14.00 Ioga e Tai Chi
14.00 a 15.00 Iniciación á meditación
ESPECTÁCULOS
13.00 a 21.00 Bababoom Soundsystem
17.00 a 18.00 Maxia co mago Eloy
19.00 a 20.30 Espectáculo circense “Makinolas presents The
Galician Mistic Cabaret”
20:30 a 21:30: Session Nyabinghi por “Tuff Lions”
CHARLAS
15.00 a 16.00 Charla e degustación cervexa artesá
16.00 a 17.00 Federación de Asociacións Cannábicas
18.00 a 19.00 Banco de Sementes Autóctonas de Galicia
Máis información: