06 Set “XORNADAS DE EMPREGO E INNOVACIÓN COLABORATIVA”, do 18 ao 21 de setembro no noso concello A idea é a de conectar ideas e persoas, acompañando a emprendedores, empresas e institucións na procura de solucións innovadoras para desenvolver marcas, produtos e servizos

O Concello organiza unhas “XORNADAS DE EMPREGO E INNOVACIÓN COLABORATIVA”, do 18 ao 21 de setembro no noso concello. Trátase dunhas xornadas, de balde, destinadas á mocidade de Tomiño e Vila Nova de Cerveira con proxectos emprendedores, persoas desempregadas ou non, que desexen converterse en axente activo do territorio a través de proxectos de emprendemento, sociais e/ou culturais.

A idea é a de conectar ideas e persoas, acompañando a emprendedores, empresas e institucións na procura de solucións innovadoras para desenvolver marcas, produtos, servizos ou ferramentas relevantes para o crecemento dun negocio actual , e sensibilizar sobre as oportunidades que as persoas emprendedoras poden topar nos sectores asociados ao mundo rural, a través da innovación e a creatividade.

Durante catro días, as persoas anotadas participarán de forma activa nos seguintes obradoiros:

Análise das tendencias no mundo rural; Novas formas de relación e colaboración entre empresas; Espazos de traballo colaborativos; Innovación centrada nas persoas; Novos modelos de financiación alternativa; Novas ferramentas na busca de emprego, e unha sesión entre empresas e persoas desempregadas.

INSCRICIÓNS E MÁIS INFORMACIÓN NO ENLACE:  https://tomino.gal/xornadas-de-fomento-do-emprendemento/