29 Xul 2014 A partir deste venres na Praza do Seixo e da Mina, “Cine na Rúa”, un ciclo de cine infantil para toda a familia. Ás 22.00 horas.

A Praza do Seixo e da Mina acollerán a partir deste venres, 1 de agosto, o ciclo “Cine na Rúa Tomiño”, dirixido a público infantil e familiar. A primeira das proxeccións será “Ice Age 4” e terá lugar na Praza da Mina ás 22.00 horas.

A seguinte, “Brave (Indimable)”, será o venres 8 de agosto, na Praza do Seixo, á mesma hora. O venres 15 de agosto, tamén ás dez da noite, proxectarase “MU University”, na Praza da Mina, ás 22.00 horas. Pechará o ciclo o filme “Lluvia de Albóndigas 2”, o venres 22 de agosto, na Praza do Seixo, tamén ás 22.00.

A concelleira de Cultura, Cristina Martínez, explicou que o ciclo de cine está especialmente dirixido á poboación infantil pero poden asistir igualmente familias e público en xeral. A actividade ten coma fin dinamizar a vida cultural e social da vila, aproveitando espazos de lecer e esparcemento ao aire libre coma son as prazas do núcleo urbano (OSeixo e da Mina).



X