O 25 DE SETEMBRO, MÓLLATE POLOS RÍOS
O Proxecto Ríos organiza dende o 2007 este día de Limpeza Simultánea en numerosos concellos de Galicia. É un día no cal voluntarios e voluntarias saen aos seus ríos para recoller o lixo que atenta contra a riqueza dos nosos ecosistemas fluviais.
Pretendemos así concienciar á sociedade da necesidade de manter limpos de lixo os nosos cursos fluviais como premisa para garantir a súa saúde.
Este ano 2023 celebramos xa a 16ª edición da limpeza simultánea de ríos.
Convocaremos aos grupos participantes do Proxecto Ríos a que se unan, un ano máis, a esta iniciativa que mobilizou en quendas anteriores a miles de voluntarios e voluntarias e nas que se retiraron decenas de toneladas de residuos.
Punto de encontro ás 10:00 horas na Praza de diante do Concello.
Podes botarlle un ollo ás accións dos anos anteriores.
Se tes interese en participar inscríbete aquí!
Se es unha asociación ou centro educativo e queres participar podes facelo contactando no número de teléfono 986 62 20 01, extensión 6 ou no email tecnica.medioambiente@tomino.gal