13 Dec ÁLEX SIERPES fulmina esta fin de semana unha das marcas máis lonxevas de todos os tempos do atletismo galego O deportista do Club Atletismo Trega de Tomiño bateu a marca na disciplina de fondo na proba dos 3000 metros lisos ao aire libre

ÁLEX SIERPES PEREIRA, xoven atleta do club Atletismo Trega de Tomiño, fulminou este domingo nas pistas CGTD de Pontevedra unha das marcas máis lonxevas de todos os tempos do atletismo galego, na disciplina de fondo na proba dos 3000 metros lisos ao aire libre. Á vez, fixo tamén a mellor marca española de todos os tempos, poñéndose ao fronte dos rankings autonómico e nacional: o número 1 dunha soa tirada na categoría infantil (Sub14).

O formidable atleta supérase cada semana con triunfos e mellores rexistros, amosando o seu gran momento de forma estos últimos meses, facendo crecer moi notablemente o seu palmarés en 2021. Neste caso conseguindo unha fantástica marca de 9’10’’7 , rebaixando o anterior récord autonómico que permanecía en manos do atleta José Calvar Parada desde 1989.

Sierpes, non só se conformou coa marca autonómica senón que superou tamén a mellor de España, que estaba en posesión del atleta Bruk José Burgueño desde 2015.

Moitísimos parabéns para Álex e para todo o club por traer tantos éxitos a Tomiño e o Baixo Miño, deixando o espítitu deportivo no máis alto do pódium.